Author Archive for Justice Siasiam



08
Feb
10

Peace Agreement Meeting Sapna toh kisai

To:

The President/Secretary
Zomi Mothers’ Association
Hiangtam Lamka, Churachandpur.

Subject: Peace Agreement Meeting toh kisai.

Heutu muan,

February 8, 2010 nitaklam daak 1:00 a SYO Hall, Simveng a Peace Agreement Meeting a Angels’ Place apan palai ka hong hoh louhna ziak uh hiai anuai ah ko’n theisak hi:

1.      Siasiam sihna toh kisai heekna Jan C. Swensen, USA kiang ah Justice for Siasiam Group in thumvei e-mail athot ziak un.
2.      Justice for Siasiam Group thiltup Angels’ Place khaak ding chih ahih ziak in.
3.      Rs. 2,00,000/- (Rupees Two Lakh) saang a tawmzaw lou hiai Meeting hun ah hon tawi un na chih pen uh tu-le-tu a sum nei daih zou lou ka hih uh.
4.      Huihkhua a thu leeng vengvung ka zaakna ua kipan nou dohkaan a lemna diktak om thei het lou ding bang a ka theih ziak un.
5.      ZMA Office akipan agelh thoh a hiai Peace Agreement Meeting a tel dia sapna ka muh louh ziak un.

Copy to:
1)      The Chairman/Secretary, Zomi Council
2)      The Chairman/Secy. Zomi Youth Association
3)      The Chairman/Secy. Zomi Students’ Federation
4)      The Chairman/Secy. ZEPADA
5)      The President/Secy. CDSU

Ginom in,

Angels’ Place sik-le-tang in

Place: Angels’ Place, Bungmual                                                                         (V. ENGLIAN)
Date: February 8, 2010                                                                       Superintendent, Angels’ Place

AP Peace Agreement meeting a a tellouhna ziak

07
Feb
10

Siasiam’ sihna thu toh kisai: Update

Naupang Lianlemsiam@Siasiam gawt/soisak a a omdan leh sihna tan ahon tuahna toh kisai a lusuun lamte leh mipite’ ngetna ngaikhawk in, leh, i khotaang ua hiai bang thil atun nawnlouh diing deihna ziak in, Zomi Mothers’ Association (ZMA) in Zomi sunga Civil societies tuamtuamtee’ theihpihna toh ma hon la uhi. Thil omdan suina (investigation) ZMA in nei tou zeel uhi. Huchi’n a muhkhiakte uh Zomi sung a Civil Societies tuamtuamte mai ah pulaakta uhi.
Tu’n mipi’n i na bildoh gige uh huntawp hithei diing dinmun ahita.
ZMA apan thu kiza daan in, ziingchiang February 8, 2010 (Seppatni), nitaklam dak 1:00 in Simte Youth Organization (SYO) Hall, Simveng ah Peace Agreement Meeting om diing. Hiai hun ah, lusuun lamte leh Angels’ Place lamte banah Zomi sunga Civil Societies [Zomi Council (ZC), Zomi Mothers’ Association (ZMA), Zomi Human Rights Foundation (ZHRF), Zomi Youth Association (ZYA), Zomi Students’ Federation (ZSF), Zomi Ecomonic Planning And Development Agency(ZEPADA)], Churachandpur District Students’ Union (CDSU) leh Media-te tel diing uhi.
Hiai Peace Agreement Meeting ahong lohchin a, i gam in thudik deihna lama khanlawhna thupitak ahon tut i lam-en uhi.
Justice for Siasiam Group
justice4siasiam@gmail.com
06
Feb
10

Khutkhialte chih daandaan a pai di maw???

ZMA in Siasiam’ case buaipih lel a, Civil Society tuamtuam (ZSF, ZHRF, CDSU, etc) te telin meeting leng bangzah vei hiam nei khin ta uh.

Siasiam’ innkuante’n ZMA te kiang a a case apiakkhiak uh ahi. Pu R. Sanga mahmah inleng zogamonline.com te toh a ki interview na uah ZMA te panlak a kipahpih daan ana geen ta.

ZMA in a thu nasatak a suui a, pan la a LEMNA hong om pah dia a ki lam-et laitak in Angels’ Place lamte’n PTC kaihluut teitei sawm in PTC kiangah a thu va tun leuleu uh.

Siasiam’ innkuante’n ZMA te muang mahmah a asai dandan uh lungkim di achih sa uh, Angels’Place in PTC honkaihluut teitei sawmpen theihsiam huai hetlou hi.

Khutkhialte thu maw laak di,victims te thu???

06
Feb
10

Angels’ Place thu toh kisai update

Muanhuaitak apat thu kiza dan in Angel’s Place a naupang Lianlemsiam @Siasiam (15) sihna toh kisa a tulel dinmun a thu omdan a nuai a bang ahi.

1. January 29, 2010 ni a Justice for Siasiam Group (J4S) te Open Letter suah ngai poimoh in January 30, 2010 ni in Zomi Mothers’ Association (ZMA) ten Angel’s Place (AP) te kiang ah thu kan chiang di leh hiai thu mipi lam apat lungkimlouhna nasatak om ahihdan theisak in va lut uhi..

2. AP vaisaite’n huchibang a lungkim louhna om ahihleh i ngeina dan a inndongta kihoukhawm masa a, a ngaihdan uh bang ahi hiam chih theisak kik dia ana hungaih din ZMA te theisak uhi.

3. AP lam a inndongtaten ngaihdam ngen a thupha tawi di leh zaangna dopna Siasiam’ innkuanpihte ngiat bangbang pe dia palai kha dia lem a sak dan uh ZMA kiang ah February 1, 2010 in theisak uhi.

4. February 2, 2010 in AP palaite’n Siasiam’ innkuanpihte kiang ah palai kha uhi. Hiai ni in Siasiam’ innkuanpihten amau inndongta kihoukhawm a thupukna uh theisak thak di uh ahihdan AP te ana theisak uhi.

5. February 4, 2010 in Siasiam’ lam a inndongtate’n hiai thu ZMA khut a pekhia ahihdan uh AP te theisak uhi.

6. AP lam a inndongtaten Customary Law kinei ahihna ah hiai thu Paite Tribe Council (PTC) kiang ah vaihawm sak a thutanna bawlsak din lem sa uhi.

7. February 5, 2010 in AP in PTC kiang ah hiai thu ngaihtuahsak ding in ngetna bawl ua, PTC in a thupukna uh– hiai case take-up di leh take-up louh di – a baih thei pen a AP te kiang a theisak di ahihdan uh AP te kiang ah theisak uhi.

Hong ki update tou zel ding.

Zogam a din,

Mung Valte (@emvee) leh Ding Guite (@Ding)

Zogam.com

04
Feb
10

Hilhchetna Dan in Tawmchik Ka Hon Gelh Zual Ding

Ka ta uh Lianlemsiam @Siasiam (Angels’ Place a anu’n ahong piakkhiak deklai a kilemna suai kaih dungzui in), a omsungteng nu-le-pa hihna la a mohpuakna tengteng piakkhiak in ka om uhi.

Siasiam kia hi lou in Angels’ Place a hong om tengteng, piching dinmun, mahni kitoudelh thei ahih ma uh, (Orphans-te) Asih-ahin uh Angels’ Place khut a om ahi. Siasiam ka ta ittak uh ahi chih ka puang hi, aziak bel apianna Nu’n ahong piakkhiak ziak in.

Siasiam pen District Hospital, Churachandpur a etkawlna “original” laipoimohte ZogamOnline.com Admin in Interview hon buatsaihna ua ka gen bang in mi kuate hiam in pawmang uh ahihdan ka genta a, huaiziak in “Manipulate” bangzahta aomta dia chih zong ngaihtuahtham aching hi. Interview pen ah akim sipsip a geen chih thil haksa ahihke’h kigingkhol lou a dotna kam a dawnthoh ahihman in chiangzou sa lou mi bangzah hiam omkha maithei… Lamka Damdawi inn a aom lai in ‘Whole Abdomen” Ultrasound Doctor advice dungzui in akila a Result/Inference: Normal Study kichi hi; Chest X-Ray leng akila a siatna bangmah om lou chih ahinawn hi. Ataw a sipawt kichi pen zong tampi a luang zungzung ahi zenzen kei a, tawmchik pawt, sawtpi leng pawt hi lou, pawtzomnawn zel zong hi sam lou, asihtan dong a leng pawtnawn het lou ahi. Taw tuamna pen uangtak a huihkhua a gen a om pen eek dalna zong ahi chih theihsiam di’n ahoih hi.

Ka ta it uh Siasiam Lamka Damdawi Inn a kipan apawtnung in dam hoih mahmah ahi chih achetna bel alawmte toh kimawl ngap leh football nangawn peek peih lua ahihman in ka lungmuang mahmah chiat uhi.

Ni bangzah hiam nung in damlou in ahong om a, huai phet in Dr. Paul Gin Thang (Angels’ Place a voluntary a hong seem zual ahi) Advice dungzui in ‘Blood Smear” Test ding in hon sawl a, ka hih pah ua; Investigation abaan abaan a hih in ‘Borne Marrow Test’ a kibawlnawn a,  ‘to rule out leukaemia’ chih zong kigelh hi. Huan abaan Test bawlnawn – Inference/Result: Hypoplastic Anaemia (Interview ah leng ka genta hi). Hiai, Hypoplastic Anaemia ahi ka Doctor un mi nautang theihdan a ‘Blood Cancer’ chia ageen, huai dungzui a, Blood Cancer chia kigensawn mah ahi, aziak bel nautang theihsiam ding deihna ziak in. Doctor ka hihlouh ziak in Hypoplastic Anaemia kichi bang chibang natna hi a, sisan a natna hiik om pen in anasepdan chiangtak ka thei kei hi. Doctor nih-le-thum ka dong a (e.g., Dr. Paul, Dr. Nengkhanmang, Dr. V.C. Pau) ahon agendaan uh akibang vek chihtheih ahi. Kivuak ziak in hichibang natna (i.e., Hypoplastic Anaemia) aomthei diam chi in ka dong zel a, ahon dawnna uh akibang vek a, “OMTHEI LOU DING” chih ahi. Huaiziak in Siasiam sihna ziak bel vuak a aomziak ahi kei chih achian hi.

RIMS HOSPITAL A ADMIT AHIHNA ZIAK: ZogamOnline.Com toh Interview ka neih lai ua ka gen khaak louh, RIMS a Admit ahihna ziak bel Siasiam taw a sipawt ziak ahi kei a, Doctor advice dungzui zel in Hypoplastic Anaemia natna aneih ziak a ki-admit ahi. Hiai natna thuak ahihdan RIMS a Siasiam aomlai a Doctor Duty akikheek ding un leng Doctor in ‘Duty’ akipiaksawnna uah hoihtak in gelh a, Zogam.Com ah kua hiam in Attachments abawlte lak ah hon taklang hi in ka thei – ka theihkhelh keileh. Hiai natna Siasiam in bangchik hun a nei hi hiam chih bel ka thei kei. Ka ta it mahmah Siasiam sihna ziak bel hiai atung a i gen natna thuak zou lou a si ahi, Hypoplastic Aneamia aneih ziak a sisan chau lua ana hizaw hi.

Atung a kigen Test Result tuamtuam Babina Diagnostic Centre, Imphal a Test Results chiklai peuh a ettheih ding in Angels’ Place Custody ah aom hi.

Mahni kisiamtanna a ka gelh hi lou, Siasiam sihna toh kisai a thudik leh achetna om vek ka hon gelhkhiak ahi. Ka sun mahmah ua, huikhua a thulengte ziak in lungsim anuam het kei a, hon na thumpih chiat un aw…

R. Sanga, Co-ordinator
Angels’ Place, Bungmual

Zogam.com, ZogamOnline.com & SSPPNet

01
Feb
10

Siasiam Blood Cancer a si ahi kei!

- Siampu Thomte

Ahi hi a gen in, Siasiam sihna ah Angel’s Place te’n hihkhelh a nei uh. Blood Cancer a si kichi zeen mahleh, a warden pa uh khutlum thuaklah a si ahi zaw. Khenkhatte adi’n tua ka gelh/gen lamdang lua leh ‘mawkmawk sek’ chidana kai a om thei maithei. Doctor/Hospital (District Hospital & RIMS ah) te record kimu dan in Blood cancer a si ahihlouh dan achiang huntawk mahmah hi. Ahi a, ki gen kheukhou, lah, thuchian tak theih butlouh, khenkhatte di’n ninhuai lua abang thei hi. Himahleh, i society ua hiai bang thil – kikhem thoh bawl leh thudik sel sawmna pen abei a, constructive values nei thei ngei dia ka gintak man in, thu ka kaihkhopte ka hon taklang nuam hi.

Asihni a innlam om ka hihman in, aluang vuini a thu kigente ka thei a, lamdang sakna in ka dim hi. Siasiam’ nu leh asanggamte ka houpih a, lungkimlou uh, ahihhanga ahih diingdan tuan theilou ahihdan uh ka thei hi. Anu a lungkham mahmah a, “asihna ziak bek thei leng ka lung anuam deuh di” achih banah, “damlou a damdawi’ inn a a omlai a, zankhat bek ka giah di hong phal hile uh, ka puak anuam tuan mahmah diing…” khase tak in hon gen hi. Anu’ khasiat leh dahmeel tak ka muh in, a lungsim ah, nupite’n “tate’ suun zaw ana diak…” ana chih uh ka ngaihtuah khia hi…

Tuni chiangin, Hospital Record te bangzah hiam kaihkhop ahi ta a, hiai anuai abang in ka hon taklang diing:-

Nov. 25, 2009: Hiai nitak in Angel’s Place a warden-pa omdan chiing (mimicking) chih ziak in, gawt leh soisak in om a, a taw (annul) ah sisan pawt a, akap (khawl) theihlouh ziak in diaper teensak in om hi.

Nov. 28, 2009: Sisan pawt akap theihlouh ziakin, District Hospital Lamka ah nitak dak 9 in puaklut in om. Hospital te lai ah “Multiple Bruise injury over the back, back of both LL… injury/blow. Swollen in hand” chih kigelh hi. Hemoglobin 4.8 pha kichi in “5 unit as soon as possible” chih leng kigelh hi.

Nov. 29, 2009: Nurses’ Daily Record ah “Alleged assault resulting in bleeding per anus and back” kichi. Admission and Discharge Record ah “Provisional Diagnosis: Anemia following alleged assault” ki chi nawn. Hiai ni a Hospital apat discharge ahi a, record ah, “leave against advice” chih kigelh hi. A omdan bel, discharge himahleh, adam a discharge hilou dan ei ve! (Siasiam’ innkuante gendan in, Shija Hospital adia refer uh ahi chih mi’n a hon hilh uh, chi uhi)

Dec. 29, 2009: Hoihlam nawt tuanlou leh sisan bang lokhia ahihman in, hiai ni in RIMS a polut ua, admit in om. Hospital record ah “Provisional diagnosis – severe anemia” ki chi.

Dec. 30, 2009: Doctor in Venesection akinlam a neihna di’n laigelh a, hua’h “severe anaemia with shock” leng kigelh hi.

Dec. 31, 2009: Nurses’ Daily Record ah Patient’ condition chau hiaihiai ahihdan kigelh a, zinglam dak 3.10 vel in sudden gasping kipan hi. Huchi’n 3.35AM in aleitung hinkhua nusia in atangtawn inn diing zuanta hi…. Asihlam Imphal a YPA (or etc) te kianga report hilou ahihman in, Angel’s Place te’n Dawr ah a coffin diing lei in, Lamka lam ah posuk uhi. Lamka ah, Dr. J Songoukham Samte in blood cancer asi ahihdan agen banah, Angel’s Place heutute’ nuammoh sakna’ng omlou, chi in gen, chi uhi. Post Mortem leng bawl hilou. ‘Medical Certificate of cause of Death’ ah “Immediate cause of death – Pulmonary Oedema” leh “antecedent cause – anaemia” kichi. Manner of Death ah “NATURAL” chih ki tick nawn. Himahleh, “How did the injury occur” pen kisim theilou chitchiat!

Dec. 31, 2009 (Singngat): A luang zinglam dak 10 vel in Singngat puaktung in om a, hiai ni mah in vuina programme neih ngal ahi. Hiai programme zatna ah, Angel place in Rs. 3000/- in gal ua, huai pen reception te kianga piak hilou in, “anu’n akhut mahmah in hong saang di’n ka ngen..” achih man un, anu’n tua dangka saangthum vala hi (mipite’ mai ah). A thugenna uah, damlouhna (Blood cancer) ziaka si ahihdan a agen kawmkawm un, Angel’s Place ki-etkoldan khauh mahmah ahih thu gen in, nidang a Hill Model School vaanglai a kigawt dan toh kibang a naupang enkol uh hidan in gen uhi.

Hiai atung a kigen, Medical record te Xerox copy leh a limlak leng a om. Tua pansan a ka hon gelh ahi. Huai ziakin, blood cancer a si ahihlouh dan i theih uh ka lam en hi. Hiai ziak mah ahi, Angel’s Place te’ ‘Hihkhelh’ chi a kapat phut. Adamlouhdan te chiantak a hilh detdet hileh, anu leh asanggam te puak azaang tuam di. Hichi bang thil, Kei leh Nang (hiai Netter-te) tuah hileh, aluang leng Post Mortem ibawl di ua, ei thahatna in azoh kei leh, pawlpi kuahiamte i rawn di ua, a poimoh leh press conference isam di ua, Police ah bang leng report i bawl diing un ka ging hi. Huan, ahinna leng ihumbit mah na…

Anu’n hichi’n gen hi: “Adamlouh lam ka thei kei. Nikhat, ani leng ka thei chian kei, Lamka ah mualsuang doh dia ka hoh leh, Damdawi’ Inn a om ka za kha. Kava hoh a, bawi, bang ziaka, kachih chiangin, ‘ka dam chiangin awl in kon hilh di’ achi lel a. A heutute uh agei uah ading uh. Amai bel ka mu thei a, puan asilh ziak in a pumte ka mu kei a, hon ensak sese kei ua, kenlah kon en di chihna chang leng ka thei kei. Siasiam in hon giakpih in ahon chi a, himahleh, a heutute un, ‘bangmah achi kei di, kou hoihtak in kana enkol di uh’ ahon chih chiang un, eilah i neu apat tagah ihih toh ka kisuanglah a, kazah bang ata a, giah pih teitei di ka hi ka chi thei geih tuan kei. Kei leng Lamka ah zankhat ka nituang a huchi in Singngat lam ka paisan hi. Huai nung ka lungsim anuam hetkei a, nikhat tuh a heutute uh khat in, koi a hoh dek adiam, ka thei kei, Singngat hon tawn kha a, dawr kong khat ah, Naute bang achi zeel ua, ahoih na maw? Chih ka dot leh, “ahoih uh, lunghimawh na’ng a om kei” chih teng kia in a hon dawng a, ka lungsim a nuam tuam deuh hi. Ka ngaihtuah thak chiang bang in, hiai tan ale hon na khem lai uh ahih dan ka thei thakthak a, ka heh bang asuak. Himahleh, Pathian in bangkim a thei, ka chi zeel a…” chi in aban gen nawn diing haksa asa lua a, ka gensak nawn kei mai hi.

SOURCE: SSPPNet

29
Jan
10

OPEN LETTER – Siasiam Sihna Toh Kisai

By Justice for Siasiam Group

Friday, 29 January 2010

I gamsung uah thiltung sinlaidawt thei atam. Lungphawng taktak leng a tam. Tua kalah tu naichin a thiltung in lung ahon phawng a, i khotaang uh leh gamsung a thiltung di’n a deihhuai hetkei.

Ngeina bang in tamtakte’n December 31, 2009 zang mahle uh, Nu Chingkhovung te’ innkuan adi’n mangngilh moh, lungkhamna a tunni ana hi. Hiai ni in, Nu Chingkhovung, Singngat in atapa deihthohtak leh ittak Unaupa Lianlemsiam @ Siasiam (kum 15) ana taan hi. Ngeina bang a si ahi kei. Himahleh, Siasiam’ sihna ziak seel leh iim mang in a kha khat vaal a om. Mahleh, tulai khovel ah hiai bang thilchiin hoihlou in mun anei nawn kei.

Apa’ sihsan, innkuan khosak haksatna ziak in, February 2007 in Mr. Lianlemsiam leh a u-pa, Angel’s Place, Bungmual a Orphanage Home (tagah kepna) a om sak ahi. Huchia om kimlai, November 25, 2009 in a warden pa’ omdan a chiin ziakin naktak a soisak leh vuak in om hi. Tua gawtna thuaklah in buaisia a, Lamka Damdawi Inn (District Hospital) puaklut in om hi. Zankhat lel taam in, hoihlam nawt tuankei mahleh, home (Angel’s Place) ah puakkiik in om nawn a, huchi in, khakhat nung in RIMS (Imphal) ah puakluut in om hi. Himahleh, dam zoulou in December 31, 2009 in hon mualliamsan!!

Siasiam’ sihna ziak sui ahi a, doctor ki-et sakna’ laite kaihkhop ahi a, thudik seelmang a a om diing deihlouhna ziakin, anuai a thute taklat ahi:-

November 25, 2009 nitak in Angel’s Place a warden-pa omdan a chiin ziak in, naupang Siasiam, warden pa, Mr.Chinkhanmuang s/o Mrs.Nemkung of Pearsonmun in nasatak in soisa hi. Internal bleeding (a sunglam a sii luang) leh a taw a sisan apawt ziak in diaper (todaap) teensak in a om hial hi.

November 28, 2009 in a taw a sisan pawt akhawl theihlouh ziakin, ni thum (3) nung in Lamka District Hospital ah, nitak dak 9:05 a puaklut in om hi. Admission records (laai) ah, “Multiple bruise injury over the back, back of both LL… injury/blow… swollen in hand…” chih kigelh hi. Hemoglobin 4.8 (a tangpi a 11-16) lel a phaak ziak in a kinthei lam a sisan 5 units piak ngai ahihdan kigelh hi.

November 29, 2009 in “Nurses’ Daily Record” ah, “Alleged assault resulting in bleeding per anus and back,” (vuak ziak a taw leh nung a sipawt) chih chiangtak in kichiamteh hi. “Admission and Discharge Record” ah “Provisional Diagnosis: Anemia following alleged assault” (vuakna ziak a sisan chaau) kichi nawn. Hiai ni in hospital apan discharged ahi. “Admission and Discharge Record” ah chiangtak in “Discharge on Request” chih khutgelh in kigelh a, anuailam ah “Leave Against Medical Advice” (Doctor te’ lemsak pihlou a pawtsak) chih kigelh hi.

A thu a zaak phet in Siasiam’ nu’n va veh hi Nidang a naupang tei, damthei tak leh kimawl haat mahmah Siasiam, daang kiuhkeuh a, urinary catheter (zun khaihna) toh lupna a ana lum a muhchiang in lamdang sa mahmah hi. A nu’n a damlouhna a dot chiang in a kiang a Angel’s Place a heutute a om man un hilh ngam lou hi. Huaizoh nung a vaveh sawm chiang in, “A dam, bangmah a chikei, tu’n leng kimawl in a om,” chi’n khatvei mah leng kimusak lou uhi.

Hiai a tung a lai kigente leh Lamka damdawi inn a naupang Siasiam’ limlaakte kepbit ahi. Siasiam’ innkuante gendan in, Shija Hospital adia referred a om ahi uh. Himahleh, Angel’s Place in damsianglou pi in naupang Siasiam, Home ah pokiik nawn uhi.

Himahleh, kha khat nung, December 29, 2009 in Siasiam pen RIMS, Imphal a puakluut a a om thu zakha nawn pan uhi.

December 29, 2009 in Siasiam in sisan lokhia a, RIMS ah puakluut in om hi. Admission record ah “Provisional diagnosis – severe anemia(sisan chau)” kichi hi.

December 30, 2009 a ‘Doctor on duty’ in Department of Surgery kiang a lai a gelhna ah hichibang in taaklang: “this is a patient of severe anaemia with shock, kindly do venesection for early B.T. and other injections as we have failed to insert I.V. cannula.”

December 31, 2009 a “Nurses’ Daily Record” ah Siasiam’ dinmun chau deuhdeuh kichi. Ziinglam 3.10am vel in naak haksa asak kipan a, 3.35am geih in a kha a khahta hi. “Medical Certificate of Cause of Death” ah “immediate cause of death – pulmonary oedema” leh “antecedent cause – anaemia” kichi hi.

Autopsy (post-mortem) bawl in omlou hi. Asihlam Imphal a YPA te leng theihsak hilou ua, Angel’s Place te’n dawr ah haankuang kilei in, aluang Lamka puaktung ahi. Lamka ah a enkoltu doctor hilou hinapi in Dr. J. Songoukham Samte in blood cancer a si ahi chi’n puang mawk hi!

Singngat lam a te’n, naupang Siasiam sihthu ana za ua, post-mortem bang hong kibawl leh, Kumthak Ni a vui theihpat dia ana ngaihtuah lai un, December 31, 2009 zinglam dak 10 vel in Siasiam’ siluang Singngat puaktung in ompah mawk hi. Hiai ni mah in vuiliam in om hi. Sivuina hun zatna ah, Angel’s Place in Rs. 3000/- in gal ua, huai pen reception te kianga piak hilou in, “Anu’n akhut mahmah in hong saang di’n ka ngen,” achih man un, anu’n tua dangka mipi’ mai ah va la hi. A thugenna uah, damlouhna (blood cancer) ziak a si ahihdan agen kawmkawm un, Angel’s Place ki-etkoldan khauh mahmah ahih thu gen uhi.

Ban ah a nu laisim theilou leh gelh theilou khembawl in Siasiam damlou a si ahi, a sihna toh kisai a Angel’s Place in bangmah hihkhelh neilou ahi, chih leh hiai toh kisai a a sungkuante’n bangmah compensation (zaangna dopna) claim (ngiat) theilou ding uh ahi chi’n khutpi suai namsak uhi. Hiai khutpi suai anamsak dek un anu’n bang thu kigelh hiam chi’n dong a, hiai lai Angel’s Place pawtsan di tengteng in a kaihsek uh ahi chi’n Angel’s Place te’n hilh(chian?) uhi.

Hiai Siasiam sihna toh kisai in a nuai a thute ngaihtuah tham ching hi:-

 Siamsinna inn a naupangte zep, gawt, vuak, etc (corporal punishment) toh kisai in Supreme Court in khaamna a bawl nung in sihna tan a corporal punishment piak phal ahi diam?
 Lamka damdawi inn apan doctor lemsak louhpi a bangziak a pawtkhiakpih teitei uhiam?
 Bangziak a misi post-mortem bawl a omlou hiam?
 Medical records te a enkoltu doctor ten chiangtak a physical assault (vuak) ahi chih a gelh nung ua a enkol khalou pi doctor in bangchidan a blood cancer ahi chih puang thei hiam?
 Damlouhna ziak a si ahihleh bangziak a Angel’s Place in Affidavit bawl zen a hihkhelh bangmah neilou ahi uh chi’a Siasiam’ nu suai namsak uhiam?
 Angel’s Place in mipi mai a Rs.3000/- a piak pen uh bang sum hi hiam? A galna ahihleh bangziak a reception a pemai lou?
 Hiai thu bangziak a tunitan a Lamka media ten suah lou uh ahia?

Hiai a tung a dotnate ngaihtuah tham ching hilou hiam? Mipite leh pawlpi tuamtuam te dai maimai ding ihi uhiam? Tuni in hiai Siasiam leh a sungkuante tung a thiltung zingchiang in nang-le-kei innsung aleng hong tungthei gige ahi. Hichibang a mihing khat, bangchituk a zawng, laitheilou leh mawl himahleh kikhem haisawm a kibawl pen poi akisa mahmah a, maban ah hichibang thil a tun nawnlouh deihhuai a kisa mahmah hi. Mihing hinna kimawlna in zang nawnkei theile deih huai a kisa mahmah hi. Hiai thiltung toh kisai in Angel’s Place in thudik a hon taklat a, a hihkhelh uh kipuang a ngaihdam a nget ua, Siasiam sungkuan te kiang a a kilawm bang zangnadopna a piak uh thil kilawm hilou hiam?

Ginomna toh,

Joyful Tonsing, H. Liankhanlam, Jonathan Naulak, Pau Jehou Samte, T.Dongkhansiam, Haumuanlun Samte, K.Chinthianjuan, Thangzasiam Paite, Lalsuankham Naulak, H.Tunkhanmuan, Goukhanlam Hangsing, Nienglalhoih Gangte, Chungremsiam Thawmte, Shalome Naulak, Khupngaihmawi, Chingsonniang, Manlianvung, D.Piakliansiam, Nianggouman, M.Liansang, Thangliansang Naulak, Nengsuanmung, Khaikhanmung Ngaihte, S.Nengzasiam, C.Kamthianmang, Pauliansiam Guite, Ginkhansuan Naulak, Lalrammawi, Hangminlun Suantak, T.Songzamang, T.Khamkhanlun, T.Lalbiakthang, Khaisuan Dousel, N.Ginsuanmang, Zenhatching, TS Muanlal Guite, Zamsuankhup, Khamliankhual, TB Mang Tunglut, Goubiaklun (New Delhi); T.K.Qual Gualnam, Jamsuanlian Ngaihte, T.Thanglalmuan, David P. Neihguk, Nembiakhoih Ngaihte, Muang Tawmbing, Muanniang Tunglut, T.Thangsuanlal (Chennai); Kim Ngaihte (Northampton, UK); Kiamlou Tonsing, Thangkhanmung Tonsing, H. Chinmuanlal, Biakching Langel, Chingboi Kamei, Rev. Hangpi Manlun, Thiankhanmuan H, Mung Samte, Muan Samte, Minlun C, C.T. Mung, Sanglyan Chuljaang, Reuben Chuljaang, Paubiaksang Ngaihte, Thangchinlal & Family, B. Muan Ngaihte, Thangkhansiam Guite & Family, Songchinlian Vualnam, Thangmuansang Guite, Ruby Thianhoih, Julia Kamei, Rebecca Vungboi, Lamkhanlun, Ngaihkim, Muanthang, Lun Valte (Bangalore); Ching Lydia (Shillong); Zenbiaklun (Kolkata); Thangsangkham, Nelson Khaizakham, David Damthankhum, Nianglamkim, Joel Ngaihte, Tuangkhanson Suantak, Glory Singsit, Vungthianlun, Zaching, Lamkhansuan, Noble P. Singson, James Ginkhanthang, Chinlianmang Tonsing, Mawite Hauzel, Sanga Hauzel, Stephen ChinKhanson, Chingngaih Vualnam, Mung Tawmbing, David Hmar Pudaite, Khamsuanmung, MV Guite, Soson Ngaihte, Sutzalian, Ginliansang, Hangkhanlian Ngaihte (Hyderabad)

B E H L A P N A

Aizawl | Tonson Zousuanmang, Siamlianthang Naulak, Linda Manthiannem (Chanmari West)
Arunachal Pradesh | Lianminthang Paite, Samuel T. Tonsing, Samuel Ngaihte
Australia | Sawmthang Suante & Esther Khawm Lun (Melbourne),  Goulian Langel (Geelong), Nangkhankhup Naulak & Deihno (Melbourne)
Bangalore | Jamsuanmung Valte, Biakte Ngaihte, Chinkhenthang Samte, N. Thangminlian, Thangkhankhual, Khamlianmang Hangzo, S. Nangsuanmung, Hlunminthang Guite, Lily Sianmawi, Thonkhanding Hangzou, Ginsonlian Hangzo, Thangminlal, Biakkim, Khamthansang, Ginsang, Manhoihlun Khuptong, G. Thangmuansiam, Lalbiakmuang, Priscilla Chinglamkim, Angela Chinglunhoih Hauzel, Biakhoih Lethil, Vungthianching, David Dong Suan Lal Tombing, Thang Biak Sang Ngaihte, H. Lalrouhlu, Mang Suan Mung, Pum Sawm Mang, M. Letkhotinthang Haokip, Lalcha Lhouvum, Mamang Singsit, T. Khaiminlal Haokip, M. Ngamboi Haokip, Manggou Sitlhou
Bangkok | Muansang Thawmte
Bungmual | P. Lamthansang, Paulun Suantak, Lianmuansang Guite, Pauthianmung, Pau Isaac, Thangbiaksang Tonsing, Lalsuanmang Naulak, Thangsianmung Tonsing, Kimmuanching, Chingkhovung, M Paulianthang, Gingoumuan Tonsing, Thangzakap Tombing, H. Ngulkapthang (Zoar), Khupsuan Ngaihte, Muanlallian Hauzel, Suankhansong Tonsing, TS Mung Paite, Kimberly, K. Suanlian Tonsing, Chongremmawi, Chingngaihlian, K. Jamkhansiam, Suanniang, Manglian Tonsing
Canada
| Ruati Guite leh Thang Guite (Toronto), Dr. Cicy Ngaihte (Vancouver)
Central Lamka | Paukhenthang (Nehru Marg), N. Lalremsiam (Salem Veng), Ramte  Khuptong (Salem Veng), Lienmalsawm (Nehru Marg), Ting Lal Deih (Nehru Marg), Nei Thian Nem (Nehru Marg), Paukhenthang (Nehru Marg), Vungngaihching Thomte, Manzavung Thomte, Patricia Ngaihlun Thomte, Pausuankhup Thomte, Lianzading, Thuampi, Thiangchinglun (Apollo Veng), Chinghoihnuam (Nehru Marg), K. Lianmuanlal, Lianlunmung Tonsing, Muan (Nehru Marg), Muanlal, Thang Khuptong, Chingthianhoih, Chingthianjem, H. Nengthianmang, Tinnieng (Nehru Marg)
Chennai | V. Paulianlal, Biaksang Tangpua, TK Mang Guite, Chiinngaihniang Guite, Stephen TK Muan, Elson Thanglunmang, Stephen T.K. Muan, V. Thangthianmang, MC Khaipu, Ngaihthang, Mangboi Samte, Alex Muan Lal, Lamching, Siam Neihguk, Lunpi Mangte, Kapson Naulak, Lian Cing, Daneil Neiguk, Gi Suan, Gi Muan, Ning Hoih, M. Ching, Zaching, Langkhansiam. T. Ginlianthang, VNKCThang, M. Thangkhenmung, V. Niangngaihmawi, G. Ginlianthang, M.Ginthianlal, Nangsanlal
Delhi | Johnmuan Khuptong, Biakmuan Guite, Jamgoumuan, Khumzamuan Khuptong, K. Thangminlian, T. Jambiakmang, Biaknem Khuptong, Lalsuanlian, Khamkhanpau Guite, Chinglunman Guite, Goukhannem Guite, Lianthansang Guite, Pauginlian Tawmbing, Thangbiaksang Samte, Khupsonmung Guite, Songthianmuan Elthuam Naulak,L T Ngaihte, Johnson  L. Ngaihte, K. Muanthang Ngaihte, Langkhankhup Ngaihte, Chiinngaihmuan Ngaihte, Mangzamuan Ngaihte, Mangkhansuan Ngaihte, Henry Darthanmawi, Donmuanlun Valte, Lunniang Gangte, Ngaihching Gangte, Mangno Ngaihte, Chingbiakkim, Thangzamuan, Kimhoilhing Haokip, Niangmuanhoih, Ngailianching Vualzong, Ruth Tonsing, Niang Tonsing, Ginkhansiam Tawmbing, Vung Lian Mawi, T Vunglianchin, Th. Niangbiakkim, Th. Khumngaihlian, Vungsuanlal Kullai, T Lamthianmung, Thangmuanlian, Paukhochin, Haukhenmung, David Sukte, Thangkhanlal Ngaihte, Bliss Chiinlianniang, Paukhanlun, Remthianmawi, Paukhankhual, T. Chinkhansiam, S. Lianminthang, Joyce Vunghoihkim, Mangpi Vualzong, Niangkhannem Guite, Joy Zenhinsang, Chingmuansiam, Thanglallun, Manglunthang, Lun Zou (Noida), M. Thangboi Zou, T. Khuplianlam, Kamlianlal, Lianmuanthang Tunglut, Jamsonmang, Khenthang Tonsing, Suanching Tunglut, K. Khatminthang, Gracie Paite, Thang Chinlian, P. Rourelsang & Family, Nembiakmuang Tonsing, Benjamin Tonsing, Paubiaklian Munsong, N. Ginlianthang, Jenny Tombing, Zenlianmawi, Thangkhanson, Richard Ngaihte, Esther Moi, Elizabeth, Khenlian, Elise Hmar, M.Thang Suan Mung, Haukhenpau Guite, Vanlalruat, Ginliansiam, Nengbiakthang, Hauniang, Thangmuanlal, Jenny Tawmbing, Siambiaklian Valte, S.Richard Ngaihte, Tualbiakmang Tonsing, Hoihching Tonsing, Thawnggoulun Sialiap, Sumchinkhup Sialiap, Chinkinpaul Buansing, Thanglianlal, Jenny, P. Nangkhanthang, Chingngaihhau
Denmark | Nengkhanlyan Thomte, Lalnithang Thomte, Lawrence Lianbiakmuan Thomte
Dimapur | J. Muanlal Valte, Maj & Mrs Thangson Shoute, Gouthanglian, Andy Fimneithang Tonsing, Hnunlamrem Valte, Chingthianvung, Luaizakhum Tangpua, Chinsong Samte, Ngaithianven, Jeyson Siam Ngaihte, Chingthianngai, Zara, Jamngaihlun, Vunglam Ngaihte, Thangsang Tonsing, Lallungmuani Khuptong, Muani Yimchunger, Chinglianmawi, Ning biakching, Esther Chinghoihvung, Chinghoihkim, Hnunlalrem Valte, James Singson, Lalboi Samte
Dubai | Jonathan Tonsing
Goa | Ginlianlal Tunglut
Guwahati | Cin Suan Shoute, Biak Lun Valte, Mary Vungthianmoi, James TS Lian, Thangzakhup Tungnung, Kamsuanthang Buansing, L. Suanthianlal Ngaihte
Haryana | Thawngsonhau Ngaihte (Panchkula), Dongkolson Vualnam (Gurgaon)

Hyderabad | N. Thangchinlian, Vungngaihching, T. Ginliansang, Thangmuansiam, Niangliankim, T. Byakching, JK Khawbung
Imphal | Mangsuanlal, Thangsuanlian, Khamkhumlian, Sonlal Singson (M.U. Canchipur), Lawrence Zomi, George Lianminlal (Lamphel), Lal Khuptong (Lamphel), Chingboi (Game Village), Kapmang Tombing (Game Village), P.Thangnou, Chingboi, P. Lulun (Game Village), Aunty, Nunhoih, Sir Khual (St. Peter’s Home, Game Village), Thangkhanlian, Niangkhanvung (Langol), Biaksang Naulak (Lamphel), Thangchinlian Ngaihte (Langol), Niangmuankim Hauzel (Tribal Colony), Venkim Ngaihte (Langol), Chiching (Langol)
Israel | David Ngaihte, Samuel Sektak, Suan Ngaihte, T. Kap Tombing, T.K. Lian Tombing, Lallian Guite

Japan | Sang Valte (Tokyo), Manngaihdim Ngaihte (Chiba), Vunglianmawi Samte (Tokyo)
Jharkhand | Thathang Hangzo
Khengjang | Zilkhothong Touthang
Kolkata | Khamkhanmung, L. Ngaihte, Ginmuanlal Gualnam, Chhawnthianlal Shoute, Lian Samte, Goungaihlun, Ching Mary
Lamka | Vungngaihlun, MK Cindy, MT Lucy, Liankham, Lamzamuan, Lalmalsawma Colney (Salem Veng), S. Khamkhanlian (Tipaimukh Road), Chinglianmawi (Cheingkonpang), Mangkholian Guite (Sim Veng), Khuplianlal, Chingboi (HQ Veng)
Lunglei | M. Liankhanmuan, Suanpau Samte
Maharashtra | Liangousang Vualnam, Lianzamung Tonsing, Roruatpuia, V. Pumkhansiam, P. Thangsuanhau (Tuljapur); S Khamroulian, Tuanghatlangh, Ginlalsiam Munsong (Pune)
Malaysia | Stephen Mang Guite (Kulalumpur)
Meghalaya | N. Mary Paite (Tura)
Mizoram | CK Muan Guite,
Mumbai | Chiin Nun Mawi Naulak, Johnson Tawmbing, Dongminthang Hangluah, Thang Goulian Tangpua
Mualkawi | Thangginsang Tombing, Zoukim, Haumuanlal, Doukhanmang, Kapsuanlian, Samuel Songliankhup Dousel, Khaimuanding, Sangkhum, Tingbiaksang, Suankhanlian, Thangbiaklun Samte, Kaisuanlal, Thangzagou Guite, Hausiangthou, T. Chinsuanlian, Chinmuanthang Tawmbing, Kamzamang, Thawnglunthang, Vanlallian, Chinthianmung, Gin Michael, Lamsonmung Tawmbing, Nengsuanlal, Lamminthang, Ginbiakmuan, Tankhanlian, Sianmuanlun, Kaplunlal, Kamtansang Tombing, Ginlalsang Neihsial, Khailalmuon, Thanglianpau, Paukhanson, Benzamin Tombing, Haunu Samte, Biaklun Samte, Niangzahau Samte, M. Lucy Thianching
New Lamka | Grace Muankim (College Veng), Esther Chinghoihvung, Vung Ngaihching, Elish Lianromawi, Thanglianmung, Paumuanlal Guite, Songchinlian Tonsing (Hebron Veng), Khamkhankhual, Chinmuansang Hangzo, Dingminlian (Vengnuam), G. Gouthiansiam (Hebron), L. Ginsuan Ngaihte (College Veng), T. Chinggousiam (Elim Veng), S. Ginzalian Ngaihte, Sialching, Chiinlianching, Vunghlianlal, Luanzaman, (GCK Veng)), Kimthianhoih, Dingminlian (Vengnuam), Liansonkim (GCK Veng), Chingngaih (Vengnuam), Ringneihkhum, Muanlal Guite, David Lallianmang Tangpua, Lawmkim, Zamminlian Vualnam, Vungkhanching Guite (College Veng), Donbiakmawi, V. Suanlal, Vungngaihsiam (Dorcas Veng), Ngaihching (GCK Veng), Cing Za Kim (Vengnuam), Chingthianngai (Dorcas Veng), Nanghoihsiam (Dorcas Veng), L.B. Samte & Family (Dorcas Veng), Ryan Hauzel (Hebron), G.S. Hauzel (Dorcas Veng), Chingta (Dorcas Veng), Paul Thangngeo (GCK Veng), Thiankim (GCK Veng), Langgoukap Mangte (GCK Veng), Ginkhozam Tonsing (GCK Veng), Mercy Biaknem (College Veng), Suanlyan Shoute (Convention Road), John Tawmbing, Zen Lam Ching Guite (Chiimtung Veng), K. Ginsangmuan (GCK Veng), San Vung (Vengnuam), Pauliansiam Tonsing, Vungngaihsiam (Dorcas Veng), Biakson Samte (Dorcas Veng), Khamkhankhual, Thangsianmung (Vengnuam), Biakson Ngaihte (Zion Veng), Siam Guite, Kimte Valte, Diding Valte, Mangte Valte, Dingpu Naulak, Kakap Guite (Vengnuam), Muanthang Guite, Ginlaldin Mangvum, Thangsuanlian, Joseph Naulak, Luanzamuan (G), Ginmuansang Hangzo, Remkim, Zathang, Lianniang, Thomas Khuala Gualnam (College Veng), Lian K. Paite (Vengnuam), Chingkhawlkim, Thangkhangin, H. Tunsuanmung, Chinglunniang, Chingkhoman, Thangkhanlun, Ginlunpau, Khammenmnang, Zamlunmawi (H), Pauboi (H), Lianboi, T. Suanlian Tonsing, S.K. Lemthang (G), T. Suanlian Tonsing, Mung Hangsing (Z), Ruala Tangpua, H. Tunsuanmung (Z), Donbiaklun (H), Chingbyaklun, Dim Lun Vung (G), B. Thonkhogin Ngaihte, Ngaihlun (V), Ginzasuan (V), Langkhanthang (V), Liansunamung Guite, Kamnang Shoute, Tawn Thanzau, Joy Langel (V), Niangkhanching, Dimlunvung, Dimkhomching, Biaksang, T. Nangsianmuang, K. Songmuanlal (D)
Ngathal | Chingneiman
Norway | Cinglek, Lun Don Niang
Orissa | Biakmuan, V. Thangsuanlian, Thangmuanlian Guite
Patkai | KT Mung, ST Sang, Pumthianven Naulak
Pearson | G. Kamliansang
Senapati | Go Suan Thang Suante, Liansuanmung Guite, Khupminlian Shoute, Suan Lian Naulak, Samuel Ngaihte (Maram)
Shillong | Siamkhanthang Neihsial, K. Singmuanlal, G.Benjamin, Ginkhankhual, Lamthianlal, Muanlal, Byakthang Tangpua, Lalzom Ngaihte, Pauzasiam Tombing, Joseph Ngaihte, Nk. Lang, Ching Jem Kim, B.Thangkhanmuan, M. Kimbawi Guite, Neihching, Jamngaihlun, Thangmuanlal Munsong, T. Lamkhanthang, M. Paununlian, Ginsuan Guite, J K Guite, Grace Nemngaihkim, Ninglunching, Sumliansang Guite, Jessica P Guite,
Siliguri | Sum Than Lian
Singapore | Ar. Lun ngaihte
Singngat | Ginkhanmuan, Hausienmuan Munluo, Kamkhual, Ngaihthang, Nangkhankhual, Manngaihkim, Moipu, K. Siam Tangpua, Lewis Tunglut, Biak Thawmte, Roudinglian Samte, Zenthianching, Muangnu, Thangbiakson Ngaihte, G. Haulunlal, Manlianching, ST Guite & Family, T. Zachhung, K. Kambiakthang, K. Luaisuanmung, K. Sutgenson, T.Tuanbiakson, Liangoumang, P.G.Muan, Thawngminlian Hanghal, K. Kaikhanpau, K.Muanlalven, K.Piangmuanlal, K. Thuamlungmuan, Nemthainlun, Kungbiakkim, Tuansawmthang, Tualgoumung Guite, Thuambiakmuan, P. Pausonmuan, Thuankhanlun, Khamlianthang, Khamsuanthang, Siampui, Thawngzamung, G.Thuamminlun, Thangkhansuan, Chingbiakhoih
Sinzawl | Remsuanmung, Suanlallian, Khamminlun, Paukhanlun Valte, Malyan Guite
South Korea | Thangminlun Mangte, Ching Mangte
SSPP | National Games Village unit sik-le-tang in President & Secretary
Tuithapi | Songliansang, Minthang Tonsing, Ginlalmuan Tonsing
Tuivel | Kapsuanmung

Vishakhapatnam | Nang Za Pau
Ukraine | Zam Lian Mang Hatzaw (Zaporizhiya)
Upper Lamka | Thanglaljohn (Central Road), Donthianmuang (Mualveng), Liankhansiam, Nemliankim (Tedim Road), Zaminglian, Tawmsianmung (Teddim Road), Thangbiakmuan, Ginmuansiam, Lianvangou Khuptong (Mission Veng), Joel Suanlian Hauzel, Muana Guite, S. Khamkhanlian (Tpmkh Road), Hauniang, Siama Duhlian (Mission Veng), Thangluanmuan, T. Lianminthang, Mangliansang, Lianthansang, Ngulkhosiam, Chinmuanlian, Chinmuanlal, Lianzamang, Siamkhanlian, Ginkhenmung, Khumzagin,Thangbiakding,  Tungnung
UK | Nemi Guite (London), Nanglamkhenmung Paite (Edinburgh, Scotland)

USA | Biakthang Kawpsiam (West Palm Beach, Florida), Khamkhanchin Ngaihte (Fort Worth, Texas), Chinghoihkim Tombing (Chicago, Illinois); Paukhanlun Hangsing (Haines City, Florida), Rev. Gousuan Mangte (Haines City)

Zenhang Lamka | Vungthianmuang, James Malsawma, Chin J. Guite, Chingngaihnem . . .

[Min phazah: 725 and counting...]

[P.S.: Hiai lai Lamka khopi sung ah January 29, 2010 nitak apat thehdalh ahita, innlam media Lamka Post leh Manipur Express ten hon suahsak utlouh man un.]




Justice for Siasiam

A blog dedicated to the fight for justice to Siasiam. To right a wrong. A voice of the voicless. Spearheading a massive "social media" campaign when the local media and civil organisations turn their backs to the issue.

Archives

Kolendar

August 2014
M T W T F S S
« Mar    
 123
45678910
11121314151617
18192021222324
25262728293031

Pages

Recent Comments

Jamie on TOI Report: Death of an Angel…
hell's place on The Poor Mother: Nu Ching…
hemhem on ZC press release

Follow

Get every new post delivered to your Inbox.